میں آٹھویں جماعت کی طالبہ ہوں۔ مجھے ہچکی کی شدید تکلیف ہے جو علاج کے باوجود مستقل ختم نہیں ہوتی۔ اس بارے میں ضرور لکھیے۔ (سعیدہ، کراچی)
مشورہ:ہچکی مختلف وجوہ کی وجہ سے چمٹتی ہے۔ اگر کٹی پیاز نمک چھڑک کر کھائی جائے توہچکی بند ہو جاتی ہے۔ لیموں کا رس ایک چمچہ، شہد ایک چمچہ اور تھوڑا سا پسا کالا نمک ملاکر پینے سے بھی افاقہ ہوتا ہے۔ مولی کے نرم و نازک پتے چبانے سے بھی فرق پڑتا ہے۔ پودینے کی سلاد بھی کھائی جاتی ہے۔ آدھی پیالہ پودینہ کے پتے لے کر ان پر چینی چھڑک دیں پھر آہستہ آہستہ چبائیے۔پرانا گڑ پیس کر اس میں پسی سونٹھ ملائیے۔ یہ مرکب سونگھنے سے فرق پڑتا ہے۔ اسی طرح سانس کی ورزش سے بھی افاقہ ہوتا ہے۔ گہرا سانس لے کر پیٹ میں روکنے سے ہچکی ختم ہو جاتی ہے یا پھر کوئلہ جلائیے اور اس پر ہلدی موٹی موٹی کوٹ کر ڈال دیں اس کا دھواں لیں ہچکی بند ہو جائیگی۔